-
-
-
-
एजेन्सी । चलचित्र 'सिमरन' को प्रचारका लागि कंगना रनौत हालै भारतीय टिभि शो 'आपकी अदालत' पुगेकी छन् । शोमा कंगनाले आफ्नो र ऋतिक रोशनको कथित सम्बन्धका बारे खुलेर कुरा गरेकी थिइन् ।
कंगनाले ऋतिक र उनको परिवारमाथि कयौ आरोप लगाइन् । यसैबीच ऋतिकको बचाउ गर्न सुजैन खान उत्रिएकी छन् । ऋतिकसँग सम्बन्धबिच्छेद गरेकी सुजैनले ऋतिकको सपोर्टमा ट्वीट गर्दै कंगनाको आरोपको प्रतिउत्तर दिएकी छन् ।
सुजैनले ट्विट गर्दै ऋतिकमाथि उनको पुर्ण विश्वास रहेको र पछि पनि रहने बताएकी छन् । सुजैनले लेखिन् , "कुनै पनि आरोप र षड्यन्त्रमा त्यत्रो शक्ति हुदैन कि उसले सहि आत्मामाथि विजय पाउन सकोस।"
ऋतिक र सुजैन सन् २०१४ मा सम्बन्धबिच्छेद गरेका हुन् । यसपछि पनि उनिहरु दुवैसँगै देखिने गरेका छन् । सुजैनको ट्वीटले उनको र ऋतिकबीच कुनै मनमुटाव नरहेको प्रष्ट पारेको छ ।
