मुम्बई । बलिउड बीग बी अमिताभ बच्चन र अभिनेत्री रेखाबीचको प्रेमको किस्सा कहिँ कतै लुकेको छैन । हालै भएको स्टारडस्ट अवार्डमा बच्चन परिवारकी बुहारी ऐश्वर्या रायले रेखालाई ‘आमा’ भनेर सम्बोधन गरिन्, त्यो माहौंल रोचक बनेको थियो । ऐश्वर्याले आमा भनेर रेखालाई बोलाउँदा अमिताभ शान्त र गम्भीर मुद्रामा देखिए ।
ऐश्वर्यालाई उनको कमब्याक फिल्म ‘जज्बा’का लागि पावर पैंक परफरमर अवार्डबाट सम्मान गरिएको कार्यक्रममा उनले रेखाबाटै अवार्ड लिएकी थिईन् । अवार्ड लिन स्टेजमा जाँदा रेखाको पाउ छोएर अंगालो मारेकी ऐशले अवार्ड थाप्दै ‘आमाको हातबाट अवार्ड लिनु सम्मानको कुरा भएको’ बताएकी थिईन् । उनले यसो भनिरहँदा दर्शकहरु अचम्मित भएका थिए ।
रेखा र अमिताभको प्रेमको किस्साको विषय जहिले पनि चर्चामा नै रहन्छ । यो जोडीलाई हरेक सुन्दर जोडी एक आईडियल मान्दथे, तर जया बादुरीसँग अमिताभको विवाह भएपछि उनीहरुको प्रेममा दरार आयो ।
