एजेन्सी। बलिउडका किंग खान शाहरूख खानले आफु ‘अतुल्य भारत’ अभियानको ब्रान्ड एम्बास्डर बन्न नचाएको बताएका छन् । ‘अतुल्य भारत’ अभियानमा यस अघि ब्रान्ड एम्बास्डर रहेका आमिर खानले आफुलाई सरकारले यस पदवाट हटाए पनि सरकारले गरेको यस निर्णय भने स्विकार रहेको बताएका थिए । शाहरूख खान भन्छन् ‘अतुल्य भारत’ अभियानको ब्रान्ड एम्बास्डर आमिर खानलाई सरकारले हटाएको विवादलाई लिएर मसँग नजोडौ । म यस मामिला वाट टाढै रहन चाहान्छु ।'
शाहरुखका अनुसार , उनलाई यस बिषयसँग कुनै लिनुदिनु छैन । उनि भन्छन् " न त मलाई यस पदको लागि नियुक्त गरिएको छ न त निकालिएको । त्यसैले मलाई यस बिषय वाट टाढै राख्नुहोस ।’’
भारतिय सञ्चारमाध्यमहरुका अनुसार भारतिय प्रधानमन्त्री नरेन्द्र मोदिले ‘अतुल्य भारत’ अभियानको ब्रान्ड एम्बास्डर रहेका आमिर खानको ठाउमा अमिताभ बच्चनलाई राख्ने भएका छन् । अमिताभ बच्चनलाई ‘अतुल्य भारत’ अभियानको ब्रान्ड एम्बास्डर बनाउने कुरालाई लिएर फिल्म पीकूका निर्माता शुजीत सरकार भन्छन् यदि अमिताभलाई ‘अतुल्य भारत’ अभियानको ब्रान्ड एम्बास्डर बनाइन्छ भने यो खुशीको बिषय हुनेछ । उनले भने,‘‘यदि केन्द्र सरकार अमिताभ बच्चनलाई ‘अतुल्य भारत’ अभियानको प्रचारकको रुपमा प्रस्ताव राखेमा अमिताभले यसलाई स्विकार्ने छन् र यो बिषय सबैको लागि राम्रो हुनेछ ।’’
