झापा मोरङ र सुनसरीलाई टुक्राउन खोजे उपप्रम गच्छदारले आन्दोलन गर्ने

पूर्वमा ८ औं प्रदेश बनाएर समस्या समाधान गर्नुपर्ने

प्रकाशित मिति : २०७२ पौष २९ बुधबार
कुमोद अधिकारी, विराटनगर । उपप्रधानमन्त्री एवं मधेशी जनअधिकार फोरम लोकतान्त्रिकका अध्यक्ष बिजयकुमार गच्छदारले सिंमांकनको विवाद मिलाउने नाममा झापा मोरङ र सुनसरीलाई टुक्राउन खोजे शान्तिपुर्ण आन्दोलन गर्ने बताएका छन् ।  
विराटनगरमा आयोजित पत्रकार सम्मेलनमा बोल्दै उपप्रधानमन्त्री गच्चछदारले अहिलेको सात प्रदेशले सबै जनताको भावना समेट्न नसकेकोले पूर्वमा ८ औं प्रदेश बनाएर समस्या समाधान गर्नुपर्नेमा जोड दिए ।  

मधेशवादीको माग पूरा गर्न र पूर्वी क्षेत्रका जनताको भावना समेट्नका लागि पनि ८ प्रदेशमा जानुको विकल्प नरहेको उनले प्रष्ट पारे । आठौं प्रदेशको राजधानी भने भौतिक पूर्वाधारको हिसाबले विराटनगर नै उपयुक्त हुने गच्छदारको भनाई थियो । 

उनले पश्चिमको कैलाली र कञ्चनपुरलाई तल्लो तथा पाल्पा, गुल्मी र अर्घाखाँचीलाई उत्तरतर्फको प्रदेशमा मिलाउनु पर्ने पनि सुझाव दिए । मधेशवादी दलले अतिवादी सोचाई त्यागेर लचिलो भई सिमांकनको बिषय समाधानका लागि गम्भिर हुनुपर्ने बताए । 

एक प्रश्नमा उनले सरकारसंग जादुको छडी नभएकोले चमत्कारिक परिणाम खोज्न नहुँने बताए । संकट र कठिन समयमा सरकार बनेको भन्दै उनले जनताको चाहना अनुसार सरकार अघि बढिरहेको र विस्तारै सबै समस्याहरु समाधान गर्न तत्पर रहेको बताए ।
 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ