काठमाडौं । मधेशी मोर्चासंगको बार्तालाई निर्णायक बनाउनेगरी प्रमुख तीन दलका शिर्ष नेताहरु छलफल जुटेका छन् ।
नेपाली कांग्रेस, नेकपा एमाले र एमाओवादीका शीर्ष नेताहरु कार्यदल तहमा भएको छलफलका आधारमा निचोडमा पुग्ने बारेमा छलफलमा जुटेका हुन् ।
प्रधानमन्त्री निवास बालुवाटारमा अहिले शिर्ष नेताहरुका विचमा छलफल भईरहेको प्रधानमन्त्रीका प्रेस सल्लाहकार प्रमोद दाहालले जानकारी दिए ।
मधेसी मोर्चाले उठाएका ११ बुँदे मागहरु मध्ये कुन मागलाई कसरी र कहिले सम्बोधन गर्ने भन्ने विषयमा तीन दलले धारणा बनाउन लागेको हो ।
केही विषयहरु संविधान संशोधन प्रस्तावमा समेटिईसकेको र प्रदेशहरुको सिमाँकनको विषयलाई उच्चस्तयरिय राजनितिक संयन्त्र मार्फत टुङग्याउने भनिएपनि संयन्त्रको हैसियत र बैधताका बारेमा नेताहरुले अहिले छलफल गरिरहेको बताइएको छ ।
तीन दल र मधेसी मोर्चाले गठन गरेको कार्यदलमा भएको छलफलका आधारमा उनीहरुले संयन्त्रका विषयमा आज केही निर्णयग गर्ने तयारीमा रहेका छन् ।
संयन्त्रको स्वरुप र बैधताका बारेमा शिर्ष नेताहरुले निणर्य गरेपछि आजै कार्यदलको बैठक बसेर कार्यदलमा पनि सहमति जुटाउने प्रयासमा नेताहरु लागेका छन् ।
