वडाध्यक्षद्वारा तीन सरकारी विद्यालयमा अक्षयकोष स्थापना गर्ने घोषणा

प्रकाशित २०७४ असोज २९ आइतबार

रामपुर । पाल्पाको रामपुर नगरपालिका वडा नं ५ का वडाध्यक्ष क्याप्टेन हिमाल मल्लले तीन वटा सरकारी विद्यालयमा रु तीन लाखको अक्षयकोष स्थापना गर्ने घोषणा गरेका छन् ।

वडा नं ५ भित्र रहेका तीन वटा सरकारी विद्यालयमा उनले रु एक–एक लाख अक्षयकोष स्थापना गर्ने घोषणा गरेका हुन् ।

वडाभित्र सञ्चालित रामतुलसी मावि, रामपुर निमावि र बाल कल्याण प्राविमा वडाध्यक्ष मल्लले स्व पिता ढालबहादुर मल्ल, माता चन्द्रकुमारी मल्ल, सानीआमा विनाकुमारी मल्ल र सासूआमा चन्द्राकुमारी खाँणको स्मृतिमा अक्षयकोष स्थापना गर्ने घोषणा गरेका हुन् ।