झापा । बिर्तामोड १ मा रहेको बिर्ता आयुर्वेद एण्ड फिजियोथेरापी सेन्टरले बिर्तामोड मै पहिलो पटक नि:शुल्क स्वास्थ्य शिविर संचालन गरेको छ । सेन्टरले शनिबार पुरानो खोकी ,पिनास, पाइल्स, सुगर छाती दुख्ने लगायत समस्याको डाक्टर निलकण्ठ उपाध्ययबाट नि:शुल्क जाँच तथा परामर्श सेवा प्रदान गरेको थियो । भने फिजियोथेरापिस्ट डा. दिपेन्द्र यादवले प्यारालाइसिस,नशा च्यापिएको,हाडजोर्नी दुख्ने झमझमाउने आदि समस्याको फिजियोथेरापीको माध्यम द्वारा उपचार तथा परामर्श दिएका थिए ।
शिविरमा अधिकाश पाइल्सका बिरामीहरु रहेको चिकित्सक उपाध्ययले बताए । उपाध्ययले पाइल्सको औषधोपचार गरे चाडै निको हुने बताए । आयुर्वेदिक औषधि खादा कुनै साइडइफेक्ट नरहने भएकाले बिरामी यस प्रती आकर्षित भएको प्रबन्धक नर्वदा भट्टराईले बताइन् ।
उक्त शिबिरमा करिब ५० जनाको नि:शुल्क स्वास्थ परिक्षण गरिएको थियो । बिर्ता आयुर्वेद एण्ड फिजियोथेरापी सेन्टरले झापाका विभिन्न स्थानमा नि:शुल्क स्वास्थ शिविर संचालक गर्दै आएको छ । त्यसैगरि सेन्टरले प्रत्येक शनिबार नि:शुल्क स्वास्थ शिविर संचालन गरिरहेको सस्थाका संचालक योगेश श्रेष्ठले जानकारी दिए ।
