हिरक जयन्तीलाई लक्षित गरि जनजागृतिले जुटायो ६० लाख आर्थिक सहयोग

कौरव खत्री,

प्रकाशित २०७४ पुष ६ बिहिबार

बाग्लुङ्ग । बाग्लुङ्गको एक विद्यालयको लागि स्वदेश तथा विदेशका विभिन्न व्यक्ति तथा संस्थाबाट झण्डै ६० लाख भन्दा बढि आर्थिक सहयोग संकलन भएको छ ।

गल्कोट नगरपालिका वडा नं. ८ काडेवासमा रहेको जनजागृति माध्यमिक विद्यालयको लागि स्वदेश तथा विदेशमा रहेका यस क्षत्रका नेपालीहरु र विद्यालय व्यवस्थापन समिति,शिक्षक अभिभावक संघ,शिक्षक स्टाफ, आर्थिक उपसमिति लगायतका विभिन्न व्यक्तिहरुबाट हालसम्म ६० लाख बराबर आर्थिक संकलन भएको विद्यालयका प्राचार्य तेजेन्द्र बुढाथोकीले जानकारी दिए ।

विद्यालयले आफ्नो ६० बर्ष पूरा गरेको अवसरमा आँउदो माघ महिनाको १० देखि १४ सम्म विद्यालयले बृहत रुपमा हिरक जयन्ती मनाउन गइरहेको छ ।

हिरक जयन्तीलाई मध्यनजर गदै विद्यालयले स्थानीय स्तर तथा विदेशका विभिन्न स्थानहरुमा रहेका यस क्षेत्रका नेपालीहरुबाट आर्थिक संकलन अभियानलाई तिव्रता दिएको विद्यालयका प्राचार्य बुढाथोकीले जानकारी दिए ।