जाजरकोट। एशियाली विकास बैंकको आर्थिक सहयोगमा संचालित ग्रामिण पुर्बाधार विकास तथा जीबिकोपार्जन सुधार कार्यक्रम (ड्रिल्पि) आयोजना जाजरकोटले भ्रमणका नाममा नेता तथा टाँठावाँठालाई खुसी पार्न १० लाख खर्च गरेको छ । जिल्ला विकास समिति कार्यालय जाजरकोट अन्तरगतको यो आयोजनाले उक्त विकास बजेट देश तथा विदेशको भम्रणमा खर्च गरेको पाइएको छ ।
लक्षित समुहलाई अवसर नै नदिएर आयोजनाले जिल्ला स्थित सवै राजनितिक दलका नेता, संघसंस्थाका प्रतिनिधी, नागरिक अगुवा, कर्मचारीलाई खुशी पार्न भम्रण गराएको हो । आयोजनाले गत साता ३ दर्जनको जम्बो टोलीलाई सुदुरपश्चिमको बैतडी, डडेलधुरा, भारतको नैनीताल लगाएतका ठाउहरुमा भ्रमण गराएको थियो । आयोजनाले भ्रमणकर्तालाई गाडी भाडा, होटलबास खर्च, खाजा खर्च, झोला, टोपी, भेष्ट, भत्ता लगाएतमा १० लाख खर्च गरेको हो ।
बैतडी र डढेल्धुरामा संचालित ड्रिल्पी आयोजना अन्तरगत निर्माण भएका भौतिक संरचनाहरुको अवलोकन तथा सिकाईका लागि भ्रमण गराएको जिल्ला प्राविधीक कार्यालयका प्रमुख ईन्जिीनियर जयराम श्रेष्ठले बताए । जिल्ला बाहिरका संरचनाबाट गरेको सिकाई यस जिल्लामा लागु गर्न भ्रमण भएको उनले बताए । भ्रमणको टोली जम्बो हुदा केहि समस्या आएको उनले बताए ।
आयोजनाले गराएको भ्रमण सम्बन्धमा जिल्लाका सरोकारवालाले विरोध गरेका छन् । आयोजनाले गरीवको जिविकोपार्जन तथा भौतिक संरचना निर्माणमा खर्च गर्नुपर्ने रकम अनावश्यक रुपमा भ्रमण खर्च गरेको नेपाल पत्रकार महासंघका जिल्ला अध्यक्ष जनक केसीले बताए । यो आयोजनाको बदमासी हो । कमीकमजोरी लुकाउन, सबैलाई खुशी पार्न मात्र भ्रमण गराएको पाईयो । यसको कुनै पनि उपलब्धि छैन, उनले भने । आयोजनाको नम्समा विदेश भ्रमण गर्ने छैन होला, उनले भने । अन्य जिल्लाका आयोजनाको अवलोकन गराउने निहुमा नैनीताल सम्मको सयर गराएको उनले बताए । भ्रमणमा विजीग्रुपका सदस्य, निर्माण ब्यबशायी, लाभान्वित समुह लगाएतको सहभागिता नहुनेले पनि प्रष्ट हुन्छ । सदरमुकाममा बस्ने, जिविस वरिपरि घुम्ने र पहुचवालालाई खुशी पार्न नै भ्रमण गराएर लाखौं खर्च भएको छ, यो भष्ट्राचार नै हो, उनले भने । जस्लाई आयोजनाले निर्माण गरेका भौतिक संरचना बारे जानकारी नै छैन, उनीहरुले नै भ्रमणमा लगिएको छ उनले भने ।
आयोजनाले निर्माण गरेका संरचना लथालिङ्ग अवस्थामा छन् । कार्यक्षेत्रमा गुणस्तरहीन कार्य भएको छ । निर्माण सुस्त गतिमा छ । कसैलाई चासो छैन ।, उनले भने । भ्रमणमा लाखौं खर्च गर्नु भन्दा दुर्गम गाउमा खानेपानी, कुलो बनाएको भए हुन्थ्यो, उनले भने । गरीव तथा विपन्न बर्गको जीवनस्तर सुधार गर्ने र पुर्वाधारको निर्माण गर्ने उदेश्यले जिल्लामा भित्रीएको बजेटमा भ्रमण खर्च गर्नु गैरजिम्मेवारी भएको अध्यक्ष के.सीको भनाई छ ।
