काठमाडौं । एकिकृत माओवादी अध्यक्ष पुष्पकमल दाहालको थाइल्याण्ड भ्रमण रद्द भएको छ । दाहाल बैंककमा उपचार गराइरहेका पार्टी सचिव एवं पूर्व अर्थमन्त्री वर्षमान पुनलाई भेट्न शुक्रवार थाइल्याण्डको बैंकक प्रस्थान गर्ने कार्यक्रम थियो ।
दाहालले बैंककमा उपचाररत सचिव पुनको स्वास्थ्यबारे थप जानकारी लिने र पुनलाई नेपाल ल्याउने विषयमा चिकित्सकसंग छलफल गर्ने कार्यक्रम थियो । सचिव पुनको स्वास्थ्यमा सुधार आउन थालेपछि अस्पतालबाट डिस्चार्ज भई चिकित्सकहरुको निगरानीमै छन् । दाहाल स्थायी समिति बैठक तथा मधेस मामलाको सम्वादमा सक्रिय भएका कारण थाइल्याण्ड नगएका बताइएको छ ।
