काठमाडौं। नेपालले आयरल्याण्डलाई पराजित गर्दै लगातार आफ्नो दोस्रो खेल जितेसँगै क्वार्टरफाईनलको यात्रा तय गरेको छ। नेपालले पहिलो खेलमा न्युजिल्याण्डलाई ३२ रनले पराजित गरेको थियो भने दोस्रो खेलमा आयरल्याण्डलाई ८ विकेटले पराजित गरेको छ।
उता भारतले आफ्नो पहिलो खेलमा आयरल्याण्डलाई पराजित गरेको थियो भने दोस्रो खेलमा न्युजिल्याण्डलाई १२० रनले पराजित गरेको छ। यस आधारमा समुह चरणको १-१ खेल बाँकी रहँदै नेपाल र भारतले क्वार्टरफाईनलको यात्रा तय गरेको हो। २ जीतसँगै नेपाल र भारतको ४-४ अंक छ भने न्युजिल्याण्ड र आयरल्याण्ड अंक बिहीन छन् ।
यसअघि सन् २००० मा पहिलो पटक यू–१९ विश्वकपमा सहभागि भएको नेपाल दोस्रो चरणमा पुगेको थियो ।
