- सुन चाँदी दर
- विनिमय दर
- नेपाली पात्रो
- राशिफल
धनगढी । प्रदेश नम्बर ७ को मुख्यमन्त्रीका लागि माओवादी नेता त्रिलोचन भट्टले प्रदेश प्रमुख मोहनराज मल्ल समक्ष बुधबार दाबी पेश गरेका छन् ।
नेकपा एमाले र नेकपा माओवादी केन्द्रका बहुमत ३५ जना सदस्यको हस्ताक्षरसहित माओवादी नेता भट्टले प्रदेश प्रमुख मोहनराज मल्लसमक्ष मुख्यमन्त्रीको दाबी पेश गरेका हुन् ।
डोटी प्रदेश सभा ख बाट निर्वाचित भएका भट्टलाई लामो विवादकाबीच माओवादी केन्द्रले संसदीय दलको नेता बनाएको थियो । वाम गठबन्धनबाट माओवादी केन्द्रको भागमा प्रदेश ६ र ७ को मुख्यमन्त्री परेकोले नेता भट्टले मुख्यमन्त्री पदमा दावी गरेका हुन ।
प्रदेश सरकार गठनका लागि प्रमुख मल्लले बहुमत जुटाएर आउनुस भने पछि बुधबार बाम गठबन्धनका तर्फबाट माओवादी नेता भट्टद्वारा उम्मेदवारी दिएका हुन ।