-
-
-
-
काठमाडौं । नियम कानुन ठूलो कि व्यक्ति ? पक्कै पनि नियम कानुन । किनकि त्यही नियम कानुनभित्र सबै बाँधिन पर्छ ।
फ्रान्सको पेरिसमा एक गर्भवती महिलाले गलत बाटोमा हिंडेको भन्दै जरिवाना तिर्नुपर्याे । उनी छोटो बाटो प्रयोग गरेर रेल चढ्न खोज्दै थिइन् ।
पेरिस मेट्रो स्टेशनमा उनलाई ६० पाउन्ड जरिवाना गरिएको हो ।
‘वन–वे’ मा गएको भन्दै उनलाई जरिवाना गरिएको थियो । पेरिस मेट्रोका अपरेटर आएटीपीले दुर्घटना रोक्नका लागि यो नियन्त्रण गरेको बताएका छन् ।
जरिवाना तिरेकी महिलाकी साथीले सामाजिक संजालमा उक्त जानकारी पोष्ट गरेपछि यो घटना बाहिर आएको हो ।
यसको ब्यापक विरोध र समर्थन पनि भएको छ ।
यो कानुन हो । यसलाई सरल गर्न सकिन्थ्यो ।
तर यसले नेपालीलाई भने गतिलो पाठ सिकाउन सक्छ । कानुन भन्दा ठूलो कोही छैन ।
कानुन सबैलाई लाग्छ । हाम्रो देशमा त ओभर हेड ब्रिज हुँदाहुँदै त्यसको ठ्याक्कै मुनीबाट बाटो काट्ने चलन छ ।
सहज जे लाग्छ त्यही गर्ने गरिन्छ । पाइलैपिच्छे कानुनको धज्जी उडाइन्छ । कम्तीमा यो फ्रान्सको घटना नेपाली जनजीवनमा पनि उदाहरण बन्न सक्छ कि !
