-
-
-
-
काठमाडौं । गजलः तिम्रो तारिफ गर्दैगर्दै गजल लेख्नुको मजा बेग्लै
नींदभरि सुन्दर सपनी तिम्रो देख्नुको मजा बेग्लै ।
हृदयमा देउतासरि पूजिकन राख्याछु तिमीलाई
छातीमा टाँसीकन अंगालोले छेक्नुको मजा बेग्लै ।
किन लाग्थ्यो र दुख तिम्रो पीडा आत्मसात गर्दा
तिम्रो खुशीको लागि काँडामा टेक्नुको मजा बेग्लै ।
यो मनले गरेको अपेक्षामा कुठाराघात भयो भने
त्यतिबेला आफ्नो घाँटी आफैले न्याक्नु मजा बेग्लै ।।
