सुआरेजको ४ र मेसीको ३ गोलले बार्साको शानदार जित, भ्यालेन्सिया ७–० ले स्तब्ध
प्रकाशित २०७२ माघ २१ बिहिबार
1.1k
Shares
एजेन्सी । स्पेनिश किङ्गस कपको रुपमा परिचित कोपा डेल रे फुटबलमा स्टार खेलाडीले भरिएको बार्सिलोनाले भालेन्सियाविरुद्ध शानदार जित निकालेको छ । बार्सिलोनाले भ्यालेन्सियाको पोष्टमा ७ गोल गर्दै शानदार जित हासिल गरेको हो । बुधबार राति बार्साको घरेलु मैदान नउ क्याम्पमा भएको सेमिफाइनल पहिलो लेगको खेलमा बार्सिलोना फराकिलो अन्तरले विजयी भएको भयो । यो जितले बार्साको फाइनल यात्रा बलियो भएको छ । बार्साका लागि फरवार्ड तथा उरुग्वेन स्टार लुइस सुआरेजले चार गोल गरे । मुख्य फरवार्ड अर्जेन्टाइनी स्टार लियोनल मेसीले ह्याट्रिक गरे ।
यसअघि, सुआरेजले अन्तिम १६ का लागि भएको खेलमा इस्पानियोलका खेलाडीसंग झगडा गरेपछी दुई खेलमा मैदान उत्रेनन् । सुआरेजले खेलको ७औं र १२औं मिनेटमा लगातार गोल गरे । २९औं मिनेटमा मेसीले गोल गर्दै अग्रता तेब्बर पारे । ४५औं मिनेटमा नेमारले पाएको पेनाल्टी सदुपयोग गर्न सकेनन् । ब्रजिलियन स्टार नेमारकै नेनाल्टी पेरिफेरीमा मेस्सीलाई फउल गरेका भालेन्सियाका स्कोड्रान मुस्ताफी रातो कार्ड खाँदै मैदानबाट बाहिरीएपछि टोली १० जनामा समेटियो ।
पहिलो हाफमा ३–० को अग्रता लिएको बार्सिलोनाले दोस्रो हाफमा थप चार गोल गरेको थियो । दोस्रो हाफ पछि मेसीले ५८ र ७४औं मिनेटमा थप दुई गोल गर्दै ह्याट्रिक पूरा गरे । आक्रामक भालेन्सियालाई सुआरेज र मेसीले पुरै समय दबाबमा राखे । ८३औं मिनेटमा ह्याट्रिक पूरा गरेका सुआरेजले ८८औं मिनेटमा चौथो गोल गरेपछी बार्सिलोना ७–० को फराकिलो जित निकाल्न सफल भयो । यी दुईबीचको सेमिफाइनल दोस्रो लेग आगामी वुधबार भ्यालेन्सियाको मैदानमा हुनेछ ।
