एजेन्सी । इङ्गलिश प्रिमियर लिग फुटबलमा आर्सनल विजयी भएको छ । आइतबार राति भएको खेलमा आर्सनले एएफसी बर्नमाउथलाई २–० ले हरायो । आर्सनललाई विजयी गराउन मेसुत ओजिल र एलेक्स ओक्लेड एक–एक गोल गरे । अर्को खेलमा शीर्ष क्लब चेल्सी र म्यान्चेस्टर युनाइटेड १–१ बराबरीमा रोकिए । सुरुवातमा म्यानयुले जेस लिंगार्डको गोलबाट अग्रता लियो । यद्यपि, अन्तिम समयमा चेल्सीका डिएगो कोष्टाले गोल फर्काएपछि खेल १–१ को बराबरीमा सकियो ।
लिगमा २५ खेलबाट ५३ अंक जोडेको लेस्टर सिटी शीर्ष स्थानमा छ । समान खेलबाट ४८ अंक जोडेको टोटनह्याम हट्सपर दोस्रो तथा समान ४८ अंक रहेको आर्सनल गोल अन्तरका आधारमा एक स्थान पछि तेस्रोमा छ । २५औं चरण खेल सकिँदा सम्म ४७ अंक जोडेको म्यान्चेस्टर सिटी चौथो तथा ४१ अंकको म्यान्चेस्टर युनाइटेड पाँचौ स्थानमा छ । जम्मा ३० अंक जोडेको डिफेन्डिङ च्याम्पियन चेल्सी १३औं स्थानमा छ ।
