तलव नपाएको भन्दै स्वास्थ्यकर्मीहरुले वुझाए प्रशासनमा ज्ञापनपत्र

जितेन्द्र भण्डारी, प्रकाशित मिति : २०७५ असार २९ शुक्रबार
फाइल तस्विर

पाँचथर । जिल्ला अस्पताल पाँचथरसहित फिदिम नगरपालिका भित्रका स्वास्थ्यकर्मीले आफुहरुले पाउनुपर्ने पुरा तलव नपाएको भन्दै यथासिघ्र पुरा तलव पाउनुपर्ने माग राख्दै जिल्ला प्रशासन कार्यालयमा पाँचथरमा ज्ञापन पत्र वुझाएका छन् ।

 फागुन महिनादेखि तलवनैविना काम गरिरहेको र पाँच महिनापछि पाएको तलवपनि पुरा नपाएपछि तलव पुरा पाउनुपर्ने माग राख्दै स्वास्थ्यकर्मिहरुले शुक्रबार जिल्ला प्रशासन कार्यालयमा ज्ञापन पत्र वुझाएका हुन् ।

फागुन महिनादेखि तलव नपाएपछि गएको वैशाख महिनामा तलवको बारेमा नगरपालिकालाई जानकारि गराउँदा असार सम्मको एकामुष्ट तलव उपलब्ध गराउने आश्वासन पाएको जिल्ला अस्पताल पाँचथरका सुचना अधिकारि नारायाण जोशिले वताए ।

तर वुधबार उपलब्ध भएको तलवमा जेठ महिनासम्मको मात्र रहेको जोशिको भनाई रहेको छ । जिल्ला अस्पतालमा कार्यरत महिला स्वास्थ्यकर्मीहरु छुट्टै पाउने गरेको जोखिम भत्ता, नाइट भत्ता साथै महगिं भत्ता असोज महिनादेखि नपाएको स्वास्थ्यकर्मिको गुनासो गुनासो रहेको छ ।

यस्तै फिल्डमा काम गर्ने १६ जना स्वास्थ्यकर्मीहरुलेसमेत कातिक महिनादेखि फिल्ड भत्ता नपाएको भन्दै भत्ता पाउनुपर्ने भन्दै निवेदन दिएको जोशिले वताए।


लुङ्गरुप्पा, सिवा, चोकमागु र लुङफाबुङमा रहेको स्वास्थ्य चौकिका स्वास्थ्यकर्मीहरुले पुरा तलब नपाएका हुन् । आफुहरुले पाउनुपर्ने

सम्र्पूण तलव तथा भत्ता उपलब्ध गराउनुपर्नै त्यसको लागि सम्बन्धित निकाय फिदिम नगरपालिकाबाट २४ घण्टाभित्र चित बुझ्दो व्यस्थापन गर्नुपर्ने ज्ञापन पत्रमा उल्लेख गरिएको छ । यता नगरपालिकाका प्रशासकिय अधिकृत गुरुद्धत सुवेदीले भने स्वास्थ्यकर्मिहरुले असार महिना सम्मकै तलव पाईसकेको वताए । स्वास्थ्यकर्मिहरुले पाउनुपर्ने अन्य भत्ताहरु मात्र नपाएको सुवेदीले वताए।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ