काठमाडौं। अन्तर्राष्ट्रिय शिक्षा परामर्श सेवा प्रदान गर्दै आएको अस्ट्रेलियन संस्था आईडीपी एजुकेसनले नेपाली विद्यार्थीलाई अस्ट्रेलिया लैजाने उदेश्यले नेपालबाटै परामर्श थालनी गरेको छ ।
राजधानी काठमाडौंमा पत्रकार सम्मेलन आयोजना गर्दै आईडीपीले नेपाली विद्यार्थीलाई अस्ट्रेलिया लैजाने उदेश्यले नेपालबाटै परामर्श गर्ने घोषणा गरेको हो।
नेपालबाट १० जना विद्यार्थीलाई छात्रवृत्तिमा लैजाने बताएको उक्त संस्थाले विश्वभरबाट साढे ६ सय विश्वविद्यालयहरुसँग सहकार्य गर्दै आएको जानकारी दिएको छ ।
नेपालबाट १० जना विद्यार्थी छनोट गरी लैजाने उदेश्यले ५० हजार अस्ट्रेलियन डलर छुट्टयाएको जानकारी दिएको छ ।
सो संस्थाले नेपाली विद्यार्थीलाई अस्ट्रेलिया, अमेरिका, क्यानडा, न्यूजिल्याण्ड, र आयरल्याण्डमा अध्ययन गर्न छात्रवृत्ति प्रदान गर्ने आइडिपी नेपालका प्रमुख निरज सिटौलाले जानकारी दिए ।
संस्थाले आगामी एक महिना भित्रै आफ्नो अफिस नेपालमा सञ्चालनमा ल्याउने र विद्यार्थीहरुसँग परामर्श थाल्ने संस्थाका सिईओ एन्ड्रयू बार्कलाले बताए ।
त्यस्तै संस्थाका सार्क क्षेत्रीय निर्देशक पियुश कुमारले नेपालमा आफ्नो कार्यालय संचालन गर्न पाउँदा खुसी महशुस भएको बताए।
