सर्वत्र आलोचनापछि इन्टरनेटमा बढेको शुल्क घटाउन ओली सरकार बाध्य

पहिले तिरेकै शुल्कमा इन्टरनेट पाइने

प्रकाशित मिति : २०७५ श्रावण १० बिहिबार
फाइल तस्विर

काठमाडौं। सर्वत्र आलोचनापछि इन्टरनेटको बढेको शुल्क घटाउन प्रधानमन्त्री केपी शर्मा ओली सरकार बाध्य भएको छ ।

सञ्चार मन्त्रालयमा बिहिबार भएको वार्तामा इन्टरनेट सेवाप्रदायक र मन्त्रालयबीच पूरानै मूल्य कायम गर्ने सहमति भएको हो ।

इन्टरनेटको मूल्य  बढाएपछि प्रधानमन्त्री ओलीको सर्वत्र आलोचना भएको थियो ।  साउन १ देखि इन्टरनेटमा १३ प्रतिशत दूरसञ्चार सेवा शुल्क लिने गरी व्यवस्था गरिएको थियो।

ब्यान्डविथ र ‘फिक्स्ड वायर्ड ब्रोडब्यान्ड’को अध्ययनपछि इन्टरनेट सेवाको मूल्यमा कुनै वृद्धि नगर्ने निर्णय भएको संचार तथा सूचना प्रविधि मन्त्रालयले जनाएको छ।

नयाँ