काठमाडौं । भारतीय प्रधानमन्त्री एवं भारतीय जनता पार्टीका नेता नरेन्द्र मोदीले देशमा पछिल्लो एक वर्षमा एक करोडभन्दा बढी रोजगारी पैदा भएको बताएका छन् ।
बेरोजगारले रोजगारी नपाएकोप्रति विपक्षीले गरेको दुस्प्रचार अब बन्द हुनुपर्नेमा मोदीले जोड दिएका छन् ।
मोदीले काँग्रेस अध्यक्ष राहुल गान्धीसमेतका विपक्षीका नेताहरुले लगाएको आरोपको कडा जवाफसमेत दिएका छन् ।
समाचार एजेन्सी एएनआईलाई मोदीले दिएको अन्तर्वार्ताको संक्षिप्त विवरण यस्तो छ –
एनआरसीको मुद्दामा पश्चिम बंगालकी मुख्यमन्त्री ममता बेनर्जीले देशमा गृहयुद्ध तथा हिंसाको कुरा गरेकी छिन् के हो यो ?
जसलाई आफैबाट भरोसा हुँदैन, जसलाई जनसमर्थन नपाउने डर छ, जसको हाम्रो संस्थामा कुनै भरोसा छैन त्यस्ताहरु नै गृहयुद्ध र हिंसा तथा देश टुक्राटुक्रा जस्ता शब्दहरु प्रयोग गर्छन् । म विश्वस्त दिलाउन चाहन्छु कि भारतका कुनै पनि नागरिकलाई देश छोड्नु पर्ने छैन । एनआरसीको प्रक्रिया अनुसार सबैलाई पर्याप्त मौका दिइन्छ ।
के एनडीएको छोटो सहयोग भाजपामा भरोसा गुम्दै गएको हो त ?
त्यसको जवाफ पछिल्लो घटनामा पाउन सकिन्छ । पहिलो लोकसभामा पेश भएको अविश्वासको प्रस्ताव तथा दोस्रो राज्यसभामा उपसभापतिको चुनाव । यसको परिणामबाट नै स्पष्ट भएको छ कि कसको गठबन्धन अटुट छ र कसको गठबन्धन खराव छ । हाम्रा सहभागी नभएका दलले पनि हामीलाई सघाएका छन् । एनडीएमा नयाँ सहयोगीलाई स्वागत छ । विपक्षीको महागठबन्धन विकासका लागि नभइ बंशवादमा जोडिएको छ । यसलाई लिएर प्रश्न खडा भएको छ कि गठबन्धन चुनावपछि बिग्रिन्छ कि पहिले नै ।
के सरकार जातिमा आधारित आरक्षण व्यवस्था हटाउन विचार गरिएको हो ?
आरक्षण व्यवस्था हट्दैन । यसलाई लिएर कुनै शंका नगरौं ।
लोकसभामा राहुल गान्धीले अंगालो मार्नुलाई के बचकाना भन्नुुहुन्छ ?
यो बचकाना नभए आँखा झिम्क्याएको घटना हेर्नुहोस् जवाफ पाउनु हुन्छ । म एक विनम्र कामदार हुँ । मेरो यो देशका नामदारहरुसंग कुनै तुलना हुन सक्दैन ।
