काठमाडौं । भारतमा जारी १२ औं दक्षिण एसियाली फुटबलको महिला फाइनलमा नेपाल भारतसंग ४–० ले पराजित हुँदै स्वर्ण पदक गुमाएको छ । भारतसंग हालसम्म पाँच पटक भिड्दा नेपालले नतिजा आफ्नो पक्षमा पार्न सकेन । स्वर्ण जित्ने सपना चक्चाचुर भएको छ । नेपाल फेरी रजतमा सिमित भएको छ ।
भारतकालाई विजयी गराउन कमला देवीले २ गोल गरिन् । आशालता र बालादेवीले १–१ गोल गरे । कलमदेवीले ३२ र ५६औं मिनेटमा गोल गरिन् । यस्तै, आशालताले ८० र बालादेवीले ८३औं मिनेटमा गोल गरे । समूह चरणका खेलमा अपराजित रहेको नेपालले श्रीलङ्कालाई ४–०, बङ्गलादेशलाई ३–०, माल्दिभ्सलाई २–० गोलअन्तरले पराजित गरेको थियो भने भारतसँग गोलरहित बराबरी खेलेको थियो ।
