जनसम्पर्क समिती अमेरिकामा आइसब्रेक, कांग्रेस प्रवक्ता शर्माले गराए समझदारी
प्रवक्ता विश्वप्रकाश शर्माको भ्रमणको पहिलो रातमै ४ घण्टे आन्तरिक भेला, ४ बुंदे न्युयोर्क समझदारी
प्रकाशित २०७५ भदौ १५ शुक्रबार
977
Shares
अमेरिकाI लामो समयदेखि विवादमा रहेका नेपाली जनसम्पर्क समितिका पदाधिकारी तथा अगुवाहरुलाई नेपाली कांग्रेसका प्रवक्ता विश्वप्रकाश शर्माले एक ठाउंमा रारवी छलफल गराएका छन्।
छलफलले कटुतापूर्ण सम्बन्ध भएका जनसम्पर्कका पदाधिकारी र अगुवा बीचमा आइसब्रेक भएको छ । शर्माकै उपस्थितिमा उनीहरूबीच ४ बुँदे समझदारी समेत भएको छ।
चार बुँदे सहमति यस प्रकार छ:
१, जनसम्पर्क समितिका वर्तमान र पुर्व नेतृत्व तहविच अनौपचारिक बैठक र छलफलहरु मार्फत हार्दिकता र एकता विकसित गर्दै अघि बढ्ने ।
२, ब्यक्तिगत या संस्थागत कुनै पनि आन्तरिक विवादका विषयलाई सामाजिक सन्जालहरुमा प्रस्तुत नगर्ने ।
३, बिधान संशोधन क्रममा रहेकोे मातृ पार्टी नेपाली कांग्रेसलाई देशभित्र र देश बाहिर रहेका समस्त नेपालीको हित केन्द्रित बिधान संशोधनको सुझाव पठाउने, जनसम्पर्क समितिहरुको गठन, समयावधि र अधिकार सम्बन्धमा समेत राय पठाउने I
४, अमेरिकाको जनसम्पर्क समिति एवं यसको अधिवेशन सम्बन्धमा निकासका लागि पार्टी केन्द्रको निर्देशन प्रतीक्षा गर्ने र सोही बमोजिम अघि बढ्ने ।
अगुवा नेतृत्व भेलामा ४ तिर फर्किएका मुख्य ५ नेता आनन्द बिस्ट, बिष्णु सुवेदी, मुनिन्द्र नेम्बाङ, बेद खरेल र प्रमोद सिटौला लगायत कांंग्रेसका तीन दर्जन प्रवासी नेता थिए।
यो समझदारीलेे जनसम्पर्क समितिमा विवादको हल गरि निकास खोज्न मार्ग प्रसस्त गरेको छ ।
प्रवक्ता शर्मा दोस्रो दिन मेरिल्याण्ड एवं डिसि भर्जिनियाको कार्यक्रममा सहभागी भइ शिकागोतर्फ गएका छन् ।
