arrow

गाँउमा त्रास फैलिए पछि विद्यालय जाने विद्यार्थीको संख्या न्यून

logo
बिजय चौहान,
प्रकाशित २०७५ भदौ २७ बुधबार
school-after-village-dispute.jpg

वीरगन्ज। दलित र गैरदलित बीचको विवादले उग्र रुप लिएर गाँउमा त्रास फैलिएपछि बाराको सिम्रौनगढ नगरपालिका–७ झवानी गाँउमा अवस्थित नेपाल राष्ट्रिय प्राथमिक विद्यालय गोलागंजमा पढ्न आउने विद्यार्थीको संख्या ह्वातै घटेको छ। गाँउमा रहेको शिव पार्वती मन्दिरमा पुजा गर्ने विषयमा दलित र गैर दलित बीच विवाद भई तनाव उत्पन्न भएपछि विद्यालयमा पढन आउने विद्यार्थीको संख्यामा कमी आएको हो ।

गाँउमा रहेको मन्दिरमा दलितलाई पूजा गर्नमा गैर दलितले रोक लगाएपछि तनाव उत्पन्न भएको र सोही तनावका कारण विद्यलायमा विद्यार्थी आउने संख्या एकदम न्यून भएको विद्यालयका प्रधानाध्यापक किसुन प्रसादले जानकारी दिए। उनले विद्यालयमा दलित तथा गैरदलित गरी एक सय ७१ जना विद्यार्थीको नामा दर्ता भएको मध्य विवाद हुनु अगाडी एक सय ४० जनासम्म विद्यार्थी आउने गरेकोमा विवाद भएपछि हाल २० देखी २५ जना विद्यार्थी मात्र आउने गरेको बताए।

दलित र गैर दलितबीच विवाद चुलिदै गएपछि सम्भावित घटना हुन नदिन स्थानिय प्रसाशनले सुरक्षाकर्मी गाँउमा परिचालित गरेपछि अभिभावकले बालबालिकालाई विद्यालय पठाउन छाडेको प्रअ किसुनले बताए।

गैरदलितले दलितलाई पूजा गर्न नदिएपछि दुवै पक्षविच झडप हुने अवस्था सिर्जना भएपछि गाउँमा त्रास फैलिएको छ।

४० वर्ष अगाडी दलितहरु समेतको सहभागिता र सहयोगमा निर्माण भएको शिव पार्वती मन्दिरमा दलितहरुलाई सुरुदेखी नै गैर दलितहरुले पूजागर्न रोक लगाउदै आएका छन्। एक साता अगाडी दलितहरुले मन्दिरमा पुजा गर्ने तयारी  गरेपछि विवाद चुलिएको हो।

जिल्ला प्रहरी कार्यालय बाराका सुचना अधिकारी प्रहरी नायब उपरिक्षक रंजित सिंह राठौरले समस्या समाधान गर्न दुवै पक्ष बीच विभिन्न संघ संस्थाहरुको सहभागितामा छलफल सुरु गरिएको र छलफलबाट समस्या समाधान नभए पिडित पक्षले उजुरी दिए कानुन बमोजिम कार्वाही गरिने बताए।



लोकप्रिय समाचार
लोकप्रिय समाचार
नयाँ