-
-
-
-
कञ्चनपुरकी छोरीको
कलिलो यौवन
जिजिबिषाको कुरुक्षेत्रमा
बिना कारण हारेछ ।
धृतराष्ट्रको फरमानमा
शकुनिको पासाले
उखुबारीमा लुकेर
निर्मलालार्इ मारेछ ।
कृत्रिम असत्यको पर्दाले
सत्यको अनुहार छोपिँदा
कञ्चनपुरका निर्मलाहरु
दिउँसै उखुबारीमा हराउँछन् ।
बिडम्बना !
सीताको खोजीमा
लंका पुगेका हनुमानहरु
रावणतिरै लागेपछि
माइती देशका
बिचरी सीताहरु
आत्तिएर कञ्चनपुरमा
प्रत्यक दिन रुँदै कराउछन् ।
कञ्चनपुर आफै रुँदै भन्छ
हत्यारा लुकाउने सत्तासंग
मलाइ अब कुनै भर छैन ।
मैले छानेका नेता र पालेका प्रहरी
मृत्युको ब्यापारी भएपछि
मृत्युसंग पनि मलार्इ
रत्तिभर अब कुनै डर छैन ।
मेरी निर्मला !
काठमाडौंलाई पाप धर्मको
ठेक्का सुम्पिदै
अब टाढा कतै गै सकिन ।
उनैलाई लुकाउने हत्यारा
उनले कहिल्यै नभेट्ने भै सकिन् ।
(सिटौला बागमती बोर्डिङ स्कुलका अध्यक्ष हुन् )
