काठमाडौं। नेकपा एमालेको विद्यार्थी संगठन अखिल नेपाल राष्ट्रिय स्वतन्त्र विद्यार्थी युनियनको नयाँ नेतृत्वका लागि भएको निर्वाचनको उपत्यकाको मतगणना सकिएको छ। उपत्यकाबाट निर्वाचित सदस्यहरुको टुंगो समेत लागेको छ। सुरुमा गणना उपत्यकाबाट गरिएको थियो। निर्वाचित भएका उम्मेदवारहरुमा अशोक थापा, तपेन्द्र जंग शाही, उदेश राई, भुपेन्द्र शाह, दीपेस प्रसाई, ज्ञान भक्त डंगोल, बसन्त न्यौपाने, पकंज भण्डारी, गोविन्द श्रेष्ठ, केशर ज्ञवाली, अञ्जु गौतम, नम्रता महर्जन, विनिता काफले रहेका छन्।
उपत्यकाबाट निर्वाचितमा ७ जना नविना लामा पक्षमा र ६ जना दिपक गौतम पक्षमा निर्वाचित भएका छन्। त्यसैगरि मेची र कोशीको मतगणना पनि सकिएको छ। रविन्द्र सुवेदी मिलन राई सहित ३ जना निर्वाचित भएका हुन। मेचीमा २ लामा पक्षधर छन्। कोशीमा पनि लामा पक्षधर बढी निर्वाचि भए। राप्तीबाट रिमा खड्का निर्विरोध भएकी छन्। उनी लामा पक्षधर हुन्।
राष्ट्रिय प्रतिनिधी परिषदमा पनि लामा पक्षधर बढी निर्वाचित भएका छन्। केन्द्रीय पदाधिकारीमा
लामा पक्षको अग्रता कायमै छ।
