नुरप्रसाद किन बदनाम हुँदैछन् ? 

प्रकाशित मिति : २०७५ असोज ९ मंगलबार

काठमाडौं । गोरखा फुजेलका स्वर्गीय नन्दप्रसाद अधिकारी र गंगामाया अधिकारीका छोरा नुरप्रसाद अधिकारी बदनामित हुँदै गएका छन् । 

भाइ कृष्णप्रसादको तत्कालीन माओवादीले हत्या गरेपछि भाइका हत्यारालाई कार्वाहीको माग गर्दै आएका नुरप्रसाद केही वर्ष बेपत्ता पनि भए । केही समयअघि प्रहरीले खोजेर आमा गंगामायालाई वीर अस्पतालमा बुझायो पनि । 

सो क्रममा उनलाई मुद्दा मिलानका लागि दवाव आएको पनि बताइयो । उनले फेसबुक स्टाटसमा पनि लेखे । तर भाइको मुद्दाको हाजिरी गर्न चितवन गएनन् । जसले गर्दा मुद्दा फितलो भयो । आरोपी सबै छुटे । 

अहिले आफै फसेका छन् । मुद्दाको विषयलाई लिएर उच्च अदालत पाटनको इजलासमै विध्वंश मच्चाएपछि न्यायिक प्रहरीले पक्राउ गरी ललितपुर प्रहरी परिसरको जिम्मा लगाएको छ। 

अर्कैको मुद्दामा वारेश रहेका अधिकारीले जग्गा किचलो, घर बहाल र निषेधाज्ञासम्बन्धी मुद्दामा आफ्नो पक्षलाई हराएको भन्दै कुर्सी उठाएर इजलासमा प्रहार गरेका थिए।

इजलास अधिकृत रोचन बस्नेतलाई ताकेर हानेको कुर्सी सिधै इजलासको झ्यालमा ठोक्किँदा सिसा फुटे । त्यसपछि अधिकारीले न्यायाधीशको इजलासमा रहेका दराज र पुस्तक र्याकसमेत हानेर छरपस्ट पारे। अधिकारीलाई ललितपुर जिल्ला अदालतबाट सात दिने थुना म्याद थपेर अनुसन्धान भइरहेको छ।

उनको विद्रोही स्वभाव बनाउनेहरु निर्दोष भएर हिँडिरहेका छन् । सत्तामा छन् । उनले न्याय पाउने छैनन् । न्याय पाउँदिन भनेरै उनी भाइको मुद्दाका लागि अदालतले बोलाउँदासमेत चितवन गएनन् । 

चितवन नगएर भाइका हत्यारालाई जितायो भन्ने अफबाह पनि फैलाइयो । तर कृष्णप्रसाद घटनाको जिम्मा नेकपाका अध्यक्ष पुष्पकमल दाहाल प्रचण्ड र नयाँ शक्ति पार्टीका संयोजक डा बाबुराम भट्टराईले लिइसकेका थिए । तर अदालतले आरोपी समेत छुटायो । 

यसैकारण नुरप्रसाद विश्वस्त छैनन् । उनका बाबुको शव ०७१ असोज ६ देखि शिक्षण अस्पताल महाराजगञ्जमा छ भने आमा निरन्तर वीर अस्पतालमा छिन् । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ