-
-
-
-
म्यान्चेस्टर सिटीलाई हराउँदै चेल्सी एफए कप फुटबलको क्वार्टरफाइनलमा पुगेको छ । आइतबार राति घरेलु मैदानमै चेल्सीले म्यान्चेस्टर सिटीलाई ५–१ को फराकिलो अन्तरले पराजित गर्दै क्वार्टरफाइनल यात्रा तय गरेको हो ।
चेल्सीलाई विजयी गराउन डिएगो कोष्टा, विलियन, ग्यारी केहील, एडिन हाजार्ड र ट्राओरेले एक–एक गोल गरे । सिटीका डेभिड फाउपालाले एक गोल फर्काए ।
एफए कप फुटबलका अन्य खेलमा विजयी हुँदै वेष्ट ह्याम युनाइटेड र क्रिष्टल प्यालेस समेत क्वार्टरफाइनलमा पुगेका छन् । क्रिष्टल प्यालेसले टोटनह्याम हट्सपरलाई १–० ले हराँउदा वेष्ट ह्याम युनाइटेडले ब्ल्याकबर्न रोभर्सलाई ५–१ ले पराजित गरेको हो ।
