-
-
-
-
काठमाडौं । पत्रकार शिवराज योगी गीतकारका रुपमा प्रस्तुत भएका छन् । आइतबार मात्रै उनको जिन्दगानी बोलको गीत सार्वजनिक भएको छ । योगीको गीतमा चर्चित गायक शिशिर योगीले आवाज दिएका हुन् ।
२०५९ सालतिर गोरखापत्रमा आवद्ध भएर टोडीमा रहँदा लेखेका शब्द गीतका रुपमा सार्वजनिक भएको योगीले बताए ।
गीतमा चर्चित संगीतकार अर्जुन नेपालीले संगीत भरेका छन् भने गीतको म्युजिक भिडियोमा विनोद, प्रविन, कुसुम र सन्दिपले अभिनय गरेका छन् ।
दिपेश उपाध्याय, विजयी र केशवले गीतको भिडियो उच्च प्रविधियुक्त क्योरा प्रयोग गरेर छायांकन गरेका हुन् । मकवानपुरको चित्लागड, ललितपुरको गोदावरी हुँदै काठमाडौैंको वशन्तपुरका रमणीइ दृश्य गीतमा कैद गरिएका छन् ।
सेती नदीको छेवैमा अस्तित्वहीन द्वारी खोला मिसिए बगेझैं जिन्दगीको यात्रा पनि निरन्तर चल्नु र चलाउनु नियति हो भन्ने आसयको गीतको भिडियो सम्पादन गिरिजा केसीले गरेका हुन् ।
म्यूजिक भिडियोको निर्देशन भक्त पौडलले गरेका छन् भने साथी मिडिया प्रालिले भिडियो निर्माण गरेको हो ।
