बिल गेट्सका साथी माइक्रोसफ्टका सह–संस्थापक एलनको निधन
प्रकाशित २०७५ असोज ३० मंगलबार
467
Shares
काठमाडौं । बिल गेट्ससँग मिलेर माइक्रोसफ्ट स्थापना गरेका माइक्रोसफ्टका सह–संस्थापक पल एलनको ६५ वर्षको उमेरमा निधन भएको छ । नन–हड्किन्स लिम्फोमा नामक क्यान्सरबाट उनको निधन भएको हो ।
सन् २००९ देखि यो रोगबाट पीडित एलनले आफूलाई लागेको रोगका बारेमा दुई हप्ताअघि मात्रै सार्वजनिक गरेका थिए ।
एलनले आफ्नो वेबसाइटमा डाक्टरहरु उपचारप्रति आशावादी रहेको बताएका थिए ।
एलनको निधनपछि बिल गेट्सले ‘मेरो पुरानो तथा नजिकको साथीको निधनले म स्तब्ध भएको छु’ भनी प्रतिक्रिया दिएका छन् ।
एलन र गेट्स विद्यालयकालदेखिका साथी थिए । उनीहरुले मिलेर प्रविधि क्षेत्रको जाइन्ट बन्न सफल माइक्रोसफ्ट सन् १९७५ मा स्थापना गरेका थिए ।
एलनले सन् १९८३ मा ब्लड क्यान्सर भएपछि कम्पनी छोडेका थिए ।
ब्लड क्यान्सरबाट मुक्त भएपछि भने सन् १९८६ मा एलनले भाल्कन नामक कम्पनी स्थापना गरेका थिए
एलनले उनकी पत्नीमार्फत परोपकारी कामका लागि दुई बिलियन बढी डलर खर्च गरेका थिए ।
