- सुन चाँदी दर
- विनिमय दर
- नेपाली पात्रो
- राशिफल
काठमाडौं । विश्वमै सबैभन्दा चर्चित चलचित्र ‘बाहुबल’ सिरिजका नायक प्रभाषले लगनगाँठो कस्दैछन् । । बिहेका लागि आएका ६ हजार प्रस्ताव अस्वीकार गरेका दक्षिण भारतीय सुपरस्टार प्रभाषको विवाह अर्को वर्ष हुने चर्चा चलेको छ ।
प्रभाषको विवाहको प्रसंगले यतिबेला चलचित्र क्षेत्र तातेको छ । प्रभाषले ‘बाहुबली–२’ को रिलिजपछि विवाह गर्ने बताउँदै आएका थिए ।
अहिले उनी ‘साहो’ को सुटिङमा व्यस्त छन् । यसपटक पनि उनले साहोको रिलिजपछि बिहे गर्ने बताएपछि विवाहको चर्चा पुनः सुरु भएको हो ।
प्रभाषले सन् २०१९ मा विवाह गर्ने तयारी गरिरहेको भारतीय सञ्चार माध्यमले जनाएका छन् । उनले साहोका लागि मिहिनेत र धेरै समय दिनुपर्ने भएकाले बिहे तत्कालका लागि टरेको थियो ।
बिहे चाहीं को संग हुँदैछ भन्ने अहिलेसम्म खुलेको छैन । उनको अभिनेत्री अनुष्का सेट्टीसँगको सम्बन्ध गाढा भएको बताउँदै आइएको छ । रिलमा रुचाइएको यो जोडीले रियलमा असल साथी भएको बताउँदै आएर आफूहरुनै प्रेमी–प्रेमिका भएको संकेत समेत दिन भने छाडेका छैनन् ।
आखिर को होला उनकी जीवनसंगीनी ?