-
-
-
-
काठमाडौं । सांगितिक क्षेत्रका नयाँ प्रतिभा जेन्टल अधिकारीले ’घाँटी मेरो रेटे पनि...’ गीतको म्युजिक भिडियो बजारमा ल्याएका छन् ।
पूर्वी नेपालबाट उदाउँदै गरेका गायक अधिकारीको पहिलो कोशेली समेत रहेको यस गीतको म्युजिक भिडियो युट्युबमार्फत् सार्वजनिक गरिएको हो ।
पूर्वी नेपालका मनमोहक दृष्यहरू समेटिएको म्युजिक भिडियोलाई वीरेन्द्रकुमार साहले निर्देशन गरेका हुन् ।
भिडियोमा संचारकर्मी तथा मोडल प्रतीक श्रेष्ठ, कोपिला मैनाली, अस्मी कार्की र गायक अधिकारी स्वयंले अभिनय गरेका छन् ।
गीतमा संगीत र स्वर गा अधिकारीको रहेको छ भने शब्द हरिगोपाल अधिकारीले लेखेका हुन् । अधिकारीले अन्य केही गीतहरू समेत रेकर्ड गराइसके पनि बजारमा आउन भने बाँकी नै छ ।
गीतको मर्मअनुसार भिडियो तयार भएको भन्दै अधिकारीले यसले दर्शकको माया पाउने विश्वास व्यक्त गरे ।
