काठमाडौं। च्याम्पियन्स लिग फुटबलको प्रिक्वार्टर पहिलो लेगका खेलहरु शुरु भएका छन्। पहिलो लेगमा ईङ्लिश क्लब म्यानचेस्टर सीटीले युक्रेनी क्लब डाईनामो किवलाई ३-१ले पराजित गरेको छ। त्यसैगरि सपेनिश क्लब एथलेटिको माड्रिड र डच क्लब पिएसभीले बराबरी खेलेका छन्।
सीटी-डाईनामो
डाईनामो कीवको मैदानमा भएको खेलमा सीटीले ३-१ गोलले जीत हात पारेको छ। सर्जिओ आग्वेरोको पहिलो गोलले १५औ मिनेटमा अग्रता लिएको सीटीले ४०औं मिनेटमा डेविड सिल्भाको गोलको मदतले पहिलो हाफ सकिंदा २-०को अग्रता लिएको थियो। कीवका विटाली ब्वालेस्कीले ५८औ मिनेटमा गोल गर्दै खेललाई २-१मा पुराएका थिए।
खेलमा हावी रहेको सीटीका याया टोरेले ८९औ मिनेटमा तेस्रो गोल गर्दै खेलको नतिजा आफ्नो टिम तर्फ पारेका थिए। दोस्रो लेग सीटीको ईतिहादमा हुनेछ।
एथलेटिको- पिएसभी
पिएसभीको आफ्नो मैदानमा भएको खेलमा एथ्लेटिकोले खेल बराबरीमा सकाएको छ। ६८ औ मिनेटमा १० मान्छेमा सिमित पिएसभीले खेल बाबरीमा रोक्नु उपलब्धी नै मानेको देखिन्छ।
ग्यास्टोन परेरोले ६८औ मिनेटमा दोस्रो पहेलो कार्ड खाँदै बहिरिएका थिए। राम्रो फर्ममा रहेको एथलेटिकोले राम्रा प्रयासका बावजुद गोल गर्न सकेको थिएन।
