शिक्षकलाई कुटपिट गरेका वडा अध्यक्ष आफै हराए पछि....

सार्वजनिक अपराध अन्तरगत मुद्दा दर्ता

प्रकाशित मिति : २०७५ कार्तिक २६ सोमबार
सिद्दीमान एमसी।

प्यूठान। झिमरुक गाँउपालिका–८ टिमुरचौर प्यूठानका वडा अध्यक्ष तुलस बस्नेत वेपत्ता भएका छन । स्थानिय जनता मावि टिमुरचौरका शिक्षक शिद्वीमान एमसीलाई कुटपिट गरि गम्भिर घाईते वनाएका वडा अध्यक्ष बस्नेत जिल्ला प्रहरी कार्यालय प्यूठानले सार्वजनिक अपराध अन्तरगत मुद्दा दर्ता गरेपछि वडा अध्यक्ष बेपत्ता भएका हुन । शिक्षक माथि कुटपिट गरेपछि जिल्ला प्रहरी कार्यालय प्यूठानमा आईतवार सार्वजनिक मुद्धा दर्ता भएको हो । 

विद्यालय व्यवस्थापन समितिको बैठकमा पदेन सदस्यका हैसियतमा उपस्थित वडाध्यक्ष तुलसको आक्रमणबाट शिक्षक एमसीको टाउकोमा ५ वटा टाका लगाईएको छ । हाल उनी उपचारकै क्रममा रहेका छन् । जिल्ला प्रहरी कार्यालय प्यूठानमा मुद्दा दर्ता भएपछि वडा अध्यक्ष बस्नेत बेपत्ता रहेको जिल्ला प्रहरी कार्यालय प्यूठानका प्रमुख निर्मल बुढाथोकीले बताए । वडा अध्यक्षलाई पक्राउ गरि अनुसन्धानका लागि लिन टिमुरचौरमा प्रहरी परिचालन गरिएपनि वडा अध्यक्ष फरार रहेको जिल्ला प्रहरी कार्यालय प्यूठानले जनाएको छ । हामी प्रहरी परिचालन गरेका छौं, उनले भने ।

शिक्षक महासंघ र संघको आपत्ति  
यसैविच शिक्षक शिद्वीमान एमसी माथि भएको आक्रमणका बिषयमा शिक्षक महासंघ प्यूठान र शिक्षक संघ प्यूठानले गम्भिर आपत्ति जनाएका छन । शिक्षण पेशा जस्तो मर्यादित पेशामा संलग्न एमसी माथि बिद्यालय परिषरमै आक्रमण हुनु गम्भिर बिषय भएको शिक्षक महासंघ प्यूठानका सचिव जानका केसीले बताउनु भयो । जिल्लाका शिक्षक अगुवाहरुले दोषिलाई पक्राउ र कारवाहीको माग गरेका छन ।  

बिद्यालय क्षेत्रमा तनाव  
उत्ता तत्कालिन नेकपा माओवादी केन्द्रका नेता समेत रहेका वडा अध्यक्ष तुलस बस्नेतले आफु फरार भएपनि बिद्यालयमा तनाव श्रृजना गरेका छन । बिद्यालयमा रहेका आफ्ना पार्टि निकट शिक्षकहरुको समेत परिचालनमा फरार वडा अध्यक्ष बस्नेतले बिद्यार्थिलाई शिक्षक एमसीले जिल्ला प्रहरी कार्यालयमा मुद्धा गरेको बिरोधमा नाराबाजिमा उतारेका छन । बस्नेतले बिद्यालयमा अध्ययनरत आफ्न्ती सहित स्थानियलाई प्रयोग गरि शिक्षक एमसीका बिरुद्धमा नारावाजी गर्न लगाएका छन । आईतबार र आज पनि बिद्यालय क्षेत्रमा तनावग्रस्त स्थिती रहेको स्थानियले बताएका छन ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ