कालिकोटमा एयर काष्ठमण्डपको विमान दुर्घटना, दुईको मृत्यु [अपडेट[

पङखा बन्द भएपछि आकस्मिक अवतरण

प्रकाशित मिति : २०७२ फाल्गुण १४ शुक्रबार
कालिकोट । नेपालगन्जबाट जुम्लाका लागि उडेको एयर काष्ठमण्डपको  नाइन एन एजेबी विमान कालिकोटको चिलखाया गाविस –२ चिलखायामा आकस्मिक अवतरण गर्न खोज्दा दुर्घटना भएको छ । नेपालगन्जबाट १२ः२० मा जुम्लाका लागि उडेको विमान जुम्ला पुग्ने पुग्ने क्रममै अकस्मात दुर्घटना भएको हो । विमानमा सवार जुम्लाका मेघराज गिरीले विमानको पङखा अकस्मात बन्द भएपछि दुर्घटना भएको बताएका छन् ।
 
टेकराज समेत घाइते छन् । २ जनाको मृत्यु भएको  जिल्ला प्रशासन कार्यालय कालिकोटले जनाएको छ । हाल सम्म पाइलट दिनेश न्यौपानेको मृत्युको खबर आएको छ । मुत्यु हुने अर्का एक जनाको नाम खुलेको छैन । प्रहरी र प्रशासनको टोली घटना स्थल पुग्दैछ । ९ घाइते मध्ये केहीको अवस्था गम्भीर छ ।  विमान मानव वस्ती नजिकै खसेको बताइएको छ । विमान आकस्मिक अवतरण गराउन खोजिएपछि खेतमा जोतिएको र आगलागी भएको बताइएको छ । 
 
सदरमुकाम मान्मबाट दुई घण्टा पैदल दुरीमा रहेको चिलखाया जुम्ला सीमा नजिकै पर्दछ । विमानमा चालक दलका २ सदस्य सहित ११ जना सवार रहेका सहकर्मी पुष्पराज भट्टराईले जानकारी दिए । मंगलबारमात्रै तारा एयरको विमान म्याग्दीको दाना गाविस –२ सोलीघोप्टेमा दुर्घटना हुँदा विमानमा सवार २३ जना सबैको मृत्यु भएको थियो ।

 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ