बडीमालिकामा फ्री वाइफाई ईन्टरनेट जडान

प्रकाशित मिति : २०७५ मङ्सिर ४ मंगलबार

बाजुरा । जिल्ला सदरमुकाम मार्तडीमा रहेको बडीमालिका नगरपालिकाले फ्री वाईफाई जडान गरिएको छ । नगरपालिकामा आउने ग्राहकहरुलाइृ सहज रुपमा इन्टरनेटमा पहूँच पुर्‍याउने उद्देश्यले फ्री वाईफाई जडान गरिएको प्रमुख प्रशासकिय अधिकृत हिरालाल भण्डारीले जानकारी दिएका छन् ।

उनले दिएको जानकारी अनुसार नगरपालिकाको सभाबाट पारित ई–बडीमालिका कार्यक्रम अन्तगत उक्त सेवा सुचारु गरिएको बताए । नगरपालिकाका १–९ वटै वडामा समेत इन्टरनेट जडान गरिएको छ । नगरपालिकाका ८ र ९ वडा बाहेकका ७ वडामा सहज रुपमा इन्टरनेट जडान गर्न सहज नभएपनि ई–बडीमालिका कार्यक्रम मार्फ ९ वटै वडामा इन्टरनेट जडान गरिएको नगर प्रमुख पदम बडुवालले बताए।
 
उनले नगरपालिकाका २ हजार ७०० जनसंख्यालाई इन्टरनेटको पहुँचमा पुर्‍याउनका लागि इं–बडीमालिका कार्यक्रम ल्याइएको बताए। नगरपालिकाका अति विकट रुपमा रहेका वडा नं–१,५ र ६ वडामा समेत इन्टरनेट जडान गरिएको बडीमालिका नगरपालिकाका सुचना प्रविधी अधिकृत हेम बहादुर थापाले बताए।
 
उनले इन्टरनेट जडानपछि सुहज रुपमा वडा कार्यालयका स्थानीयहरुले इन्टरनेट चलाउदा निकै हर्षित भएको बताए । विकट वडाहरुमा इन्टरनेट सुविधा सुचारु भएपछि स्थानीयबासीहरुले निकै खुसी भएको बडीमालिका नगरपालिका–६ कोर्धका वडा अध्यक्ष कला बडुवालले बताइन् ।

उनले नगरपालिकाले वडामै इन्टरनेट जडान गरेपछि स्थानीयहरु सामाजिक संजाल समेतबाट देश विदेशमा आफन्तलाई कुराकानी गर्न थालेको प्रति वडा अध्यक्ष बडुवालले खुसी व्यक्त बताइन् ।

बडीमालिका नगरपालिकाका सबसै वडामा रहेका प्रत्येक विद्यालयहरुमा इ हाजिर समेत जडानका लागि प्रक्रिया अघि बढाइएको बडीमालिका नगरपालिकाका उप प्रमुख  कविता विष्टले बताइन् । नगरपालिकालाई समृद्ध नगर बनाउनका लागि एक अति आवश्यक काम पुरा भइसकेको बताइन् । पाँच वर्षसम्म नगरबासीलाई गरी खाने खालका कार्यक्रम ल्याइएको प्रमुख प्रशासकिय अधिकृत भण्डारीको भनाई रहेको छ ।
 
इन्टरनेट सुविधासंगै नगरवासीलाई वडास्तरमै गुणस्तर सेवा दिएको बारेमा समेत सिसिटिभी क्यामरा जडानका लागि समेत प्रक्रियाको थालनी सुरु भएको नगरपालिकाले जनाएको छ । इन्टरनेट जडानका लागि यो आर्थिक वर्षमा २० लाख रुपैया विनियोजन गरिएको नगरपालिकाले बताएको छ ।

अझै ई बडीमालिकाको काम नसकिएकाले बजेट अभाव हुने सुचना प्रविधी अधिकृत हेम थापाले बताए। नगरपालिकाले फ्री वाईफाई सुचारु गरेपछि इन्टरनेट चलाउनेको सेवाग्राही समेत बढ्न थालेको सुचना शाखाले जनाएको छ ।
 
उनले नगरपालिकाले दुर्गम वडामा स्वास्थ्य सेवा सहज गर्नका लागि प्रत्येक वडामा सहरी स्वास्थ्य केन्द्र स्थापना गरी भवन समेत निर्माण भई स्वास्थ्य सेवा दिन थालिएको प्रमुख प्रशासकिय अधिकृत भण्डारीले  बताए।

नयाँ