ताला फोरेको झोंकमा विद्यार्थीहरु आक्रोशित, थपे ताला

सरिता तिम्सिना पंगेनी प्रकाशित मिति : २०७५ मङ्सिर ५ बुधबार

पोखरा । पोखरा विश्वविद्यालयको स्कूल अफ हेल्थ एण्ड साइन्सको डिन कार्यलयमा विद्यार्थीहरुले लगाएको ताला फोरेको विरोधमा विद्यार्थीहरु आक्रोशित भएका छन् ।

हेल्थ एण्ड साइन्सका डिन खेमराज जोशीले वार्ता र संवाद नगरी एकतर्फी रुपमा प्रहरीको सहयोगमा ताला फारेको आरोप विद्यार्थीहरुले लगाएका छन् । 

ताला फोरेको विरोधमा एमपिएच अध्ययनरत विद्याथीहरुले पो वि केन्द्रिय कार्यलयको मुल ढोकामा तालावन्दी गरेको एमविएच अध्ययनरत विद्यार्थी नारायण सापकोटाले जानकारी दिए । 

उनले विद्यालय प्रशासनले वार्तामा नवोलाई स्ववियु र प्रहरीको सहयोगमा ताला फोरिएको हुँदा थप आन्दोलन गर्नु परेको जानकारी दिए । मंगलबार नै अनेरास्वीयु क्रान्तिकारी र नेपाल विद्यार्थी संघ पोखरा विश्वविद्यालयले समेत तालाबन्दी गरेको नेविसंघ नेता विकास रानाभाटले बताए । 

उनले एमपिएचमा अध्ययनरत विद्यार्थीहरुको आन्दोलनको समर्थन गर्दै वार्ता र संवाद मार्फत जान आग्रह समेत गरेका छन् ।

काठमाण्डौ स्थित नोभेल कलेजमा विना भर्ना प्रक्रिया, चर्को शुल्क लिएर विद्यार्थी भर्ना गरेको र सवै भर्ना कार्यक्रम केन्द्रिकृत हुनु पर्ने माग विद्यार्थीहरुको रहेको छ ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ