फागुन २४ गतेबाट काठमाडौमा विश्व योग उत्सव

प्रकाशित मिति : २०७२ फाल्गुण १५ शनिबार
काठमाडौ। आगामि फागुन २४ गतेदेखि तीन दिनसम्म काठमाडौमा विश्व योग उत्वसको आयोजना गरिने भएको छ । योगको जन्मभूमी नेपाल भएपनि त्यो पहिचान ओझेलमा परेकोले त्यसलाई स्थपित गर्न भन्दै महोत्वसको आयोजना गर्न लागिएको शनिवार रिपोर्टर्स क्लब नेपालमा पत्रकार सम्मेलनको आयोजना गरेर जानकारी दिईयो ।
 
 महोत्सवमा नेपालका परम्परागत योग अभ्यासमा केन्द्रीत ४५ भन्दा बढी सस्थाका प्रतिनिधि, योगी, यूरोप र अमेरिकामा रहेर योग साधना गर्ने योगी र ध्यानीहरुको सहभागिता रहने विश्व योग उत्वस मुल समारोह समितिका संयोजक योगी प्रकाशले जानकारी दिए । 
 
योग महोत्वसमा नेपाली र अग्रेजी दुबै भाषामा योगको साधान, यसको अन्र्तबस्तुको ब्याख्या र छलफल हुने जानकारी दिदै योगी प्रकाशले योगको विकास नेपालमा भएर विश्वभरी त्यसको प्रकाश फैलिएपनि त्यसलाई अरुले नै जस लिने गरेकोले आफूहरुले त्यस्तो भ्रम चिर्न महोत्वसको आयोजना गर्न लागेको बताए । 
 
योगी आर्यले अहिले योगलाई केवल स्वास्थ्यसँग मात्रै जोडेर विकृत बनाईएको भन्दै महोत्वसको क्रममा शास्त्रीय परम्परागत योगको विषयमा जानकारी दिएको बताए । अमेरिकाबाट आएकी योगी गोपिकाले आफूले लामो समयदेखि अमेरिकामा योग साधान गराईरहेपनि नेपाल योगको जन्मभूमि भएको जानकारी नभएको भन्दै यस्ता महोत्वसले बास्तविकता उजागर गर्ने बताईन । उनले परम्परागत र शास्त्रीय योगलाई बचाउन सके मात्रै योगको विकास हुने दावी समेत गरे । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ