शिक्षा, स्वास्थ्य र रोजगार न्युनिकरणमा फाउण्डेसन

श्रीकृष्ण सिग्देल, प्रकाशित मिति : २०७५ मङ्सिर ८ शनिबार

स्याङ्जा । जिल्लाका १३ जना युवाहरुद्धारा खुमा अर्याल फाउण्डेसनको स्थापना गरेका छन् । खुमा अर्याल फाउण्डेसनको  सरोकार, शिक्षा, स्वास्थ्य र रोजगार भन्ने नाराका साथ स्थापित फाण्डेसनले हामीले नगरे कसले गर्ने, आजैबाट नगरे कहिले गर्ने भन्ने अठोटका चर्चित एवं सफल युवा उद्यमी खुमा अर्यालको नाममा फाउण्डेसन स्थापना गरेका हुन् । फाउण्डेसनको स्याङजा जिल्ला प्रशासन कार्यालयमा विधिवत रुपमा दर्ता गरी सामाजिक कार्यमा लाग्ने प्रतिवद्धता व्यक्त गरेको छ ।

फाउण्डेसन स्थापना सम्बन्धी शुक्रबार वालिङमा गरिएको पत्रकार सम्मेलनमा फाउण्डेसनका अध्यक्ष कमलराज ढकालले देशमा व्याप्त अशिक्षा, बरोजगारी तथा गरिवि हटाउने प्रयास संस्थाले गर्ने बताए । संस्थाले शिक्षाबाट बञ्चित बालबालिकाहरुलाई विद्यालयसम्म पुर्‍याउने, बेरोजगारी युवाहरुलाई सिप प्रदान गरी स्वरोजगार बनाउने र स्वास्थ्यको पहुँचमा टाढा भएकालाई आधारभुत स्वास्थ्यको पहुँचमा पुर्‍याउने प्रमुख उद्देश्यका साथ स्थापना गरिएको अध्यक्ष ढकालको भनाई छ ।

अध्यक्ष ढकालले भने, “मुनाफा रहित विसुद्ध सामाजिक संस्थाको रुपमा स्थापना गरिएको संस्थाले आर्थिक अवस्थाबाट कमजोर भई शिक्षा, स्वास्थ्य र रोजगारीबाट टाढा भएकालाई नजिक ल्याउनेछौँ ।” संस्थाको वित्तिय व्यवस्थापनको लागी सदस्यता शुल्क, विभिन्न व्यक्ति, संघसंस्था, दातृ निकाय, व्यापारिक निकायबाट स्वेच्छीक दान, चन्दा उपहार रहने संस्थाले जनाएको छ । सफल युवा उद्यमी अर्यालको  लगनशिल, मेहेनत, समाज रुपान्तरणमा सकरात्मक उर्था थप्ने विचार र अर्यालको कार्यहरुबाट प्रभावित भई अर्यालको विचारलाई आत्मसाथ गर्दै खुमा अर्याल फाउण्डेसन नामाकरण गरिएको जनाईएको छ ।

कार्यक्रममा संस्थाका संरक्षक भेषराज अर्यालले संस्थाले स्याङजा जिल्लालगायत देशका विभिन्न क्षेत्रमा स्वास्थ्य, शिक्षा र रोजगारीसंगै सामाजिक हक हित र विकासको लागी कार्यक्रमहरु सञ्चालन गर्ने बताए । फाउण्डेसनले स्थापनाको अवसर पारर शनिबार मंसिर ८ गने गल्याङमा बृहत स्वास्थ्य शिविर गर्ने जनाएको छ । गल्याङ सामुदायिक अस्पतालको व्यवस्थापनमा युर्निभर्सल कलेज अफ मेडिकल साइन्स भैरहवाको प्राविधिक सहयोगमा शिविर गर्ने भएको हो ।

कार्यक्रममा नेपाल पत्रकार महासंघका अध्यक्ष ओमप्रकाश शर्माले समाज रुपान्तरणका लागी स्थापित संस्थाको सफलताको कामना गर्दै मुलुकको सक्षम नागरिकका हिसाबले समाजको लागी केहि गर्छु भन्ने भावना हामी सबैको हुनुपर्ने बताए । संस्थाका उपाध्यक्ष लेखनाथ शर्माको स्वागतसंगै शुरु भएको कार्यक्रमको सञ्चालन सचिव धु्रव शर्माले गरेका थिए ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ