रोनाल्डो चुके : रियाल मड्रिडको हार, एथ्लेटिको १

रोनाल्डो चुके : रियाल मड्रिडको हार, एथ्लेटिको १–० ले विजयी

प्रकाशित २०७२ फागुन १६ आइतबार

एजेन्सी । स्पेनिश लिग ला लिगा फुटबलमा रियाल मड्रिड पराजित भएको छ । रियाल घरेलु मैदानमा एथ्लेटिको मड्रिडसंग १–० ले पराजित भएको हो । एथ्लेटिकोलाई विजयी गराउन एन्टोनी ग्रिजम्यानले निर्णायक गोल गरे । हारसंगै जिनेदिन जिदान प्रशिक्षणको रियालको दोस्रो स्थान उक्लने सपना पुरा हुन सकेन । आक्रामक रियालका कुनै खेलाडीले गोल गर्न सकेनन् । जिदान र क्रिश्चियानो रोनाल्डो टोलीलाई अग्रता दिनबाट चुकेका छन् ।

ला लिगाका अन्य खेलमा इस्पानियोलले स्पोर्टिङ्ग गिजोनलाई ४–२ गोल अन्तरले हरायो । सेल्टा भिगोले गेटाफेलाई १–० ले हराउँदा रियाल बेटिस र रायो भायकानो तथा रियाल सोसिडाड र मालागाले बराबरी खेले । बेटिस र भायकानोले २–२ को बराबरी तथा सोसिडाड र मालागाले १–१ को बराबरी गरेका हुन् । लिगमा २५ खेलबाट ६३ अंक जोडेको बार्सिलोना शीर्ष स्थानमा छ । ५८ अंकको एथ्लेटिको मड्रिड दोस्रो तथा ५४ अंकको रियाल मड्रिड तेस्रो स्थानमा छन् ।