काठमाडौं । अभिनेत्री प्रियंका चोपडा र निक जोनसको विवाह निकै महंगो सावित भएको छ । विवाह हिन्दू र क्रिष्चियन दुवै रीतिरिवाजअनुसार भएको हो ।
हिन्दू संस्कारको बिहे भने निकलाई महंगो सावित भएको छ । सालीले जुत्ता लुकाएको दाम नै महंगो परेपछि यो विवाह उनलाई महंगो परेको हो ।
निककी साली परिणीति चोपडाले बिहेमा जुत्ता लुकाएको पाँच करोड ६० लाख (नेरु) मागिन् ।
सामाजिक संजालमा यो सन्देश भाइरल भएको थियो । उनले कति पाइन् त्यो भने खुलाइएको छैन ।
प्रियंकाको विवाहको खर्च पनि निकै भएको अनुमान गरिएको छ । यसअघि केही समयअघि रणवीर सिंह र दिपिका पादुकोणले नै महंगो बिहे गरेका थिए । उनीहरुको बिहे इटालीमा भएको थियो ।
पार्टी भने भारतका दुई ठाउँमा दिएका थिए । प्रियंकाको विवाहका लागि दुई सय ५० जना पाहुना बोलाइएको जनाइएको छ ।
