एजेन्सी। म्यानचेस्टर सीटीका गोलकिपर विल्ली क्याबालेरोको उत्कृष्ट प्रदर्शनले लिभरपुललाई पराजित गर्दै सीटी फुटबल लीग कपको उपाधि जित्न सफल भएको छ।
निर्धारित समयमा १-१को बराबरीमा सकिएको खेल पेनाल्टी शुटआउटमा पुग्दा सीटीले ३-१ले जितेको हो।
जो हार्टको ठाउँमा खेलिरहेका क्याबालेरोले पेनाल्टी सुटआउटमा लुकास, कोतिन्हो र ललानाको पेनाल्टी रोक्दै आफ्नो टोलीलाई जित दिलाएका थिए।
खेलको ४९औं मिनेटमा सीटीका फर्नान्डिन्होले गोल गर्दै अग्रता दिलाएका थिए। त्यसैगरि ८३औं मिनेटमा लिभरपुलका फिलिप कोटिन्होले गोल गर्दै खेल १-१को बराबरीमा ल्याएका थिए। त्यसपछि थप समयमा पनि कुनै गोल हुन नसकी खेल पेनाल्टी शुटआउमा पुगेको थियो। खेलको म्यान अफ दि म्याच भिन्सेन्ट कोम्पनी घोषित भएका थिए।
