-
-
-
-
काठमाडौं । अबुधाबीमा एक युवकले आफ्नो हुने वाला दुलहीलाई जिस्कदै वाटएप्समा ' मूर्ख' भन्नु भारी परेको छ । सो म्यासेजको लागि उनलाई २० हजार दिराम अर्थदण्ड र दुई महिनाको जेल सजाय सुनाइएको छ ।
युएईको खलिज टाइम्सका अनुसार युवले वाटएप्स म्यासेजमा आफ्नो हुने बाला दुलहीलाई अरबी भाषामा 'हबला' (मूर्ख) लेखेर पठाएका थिए । जुन महिलालाई अपमानजनक लग्यो र निज व्यक्ति बिरुद्ध प्रहरीमा उजुरी दिइन् ।
उजुरीपछि प्रहरीले युवकलाई पक्रिएको छ । उनलाई अदालत सामु पेश गरिएको छ । अदालतले उनलाई २० हजार दिराम र दुई महिनाको जेल सजाय सुनाएको छ ।
वकील हसन-अल-रियामीका अनुसार युएईको कानूनमा सामाजिक सञ्जालमा कुनै अपमानजनक कुरा राखे साइबर क्राइमको मुद्दा चलाइने गरिएको छ ।
वेलायतको पत्रिका 'द सन' का अनुसार यूएईमा यस बर्ष एक ब्रिटिश नागरिकले कार डिलरलाई रिसमा म्यासेज गर्दा गिरफ्तार हुनु परेको थियो ।
