रेलको ड्राइभर बन्न के गर्नुपर्छ ? ट्रायल दिनु पर्छ कि पर्दैन ?

प्रकाशित मिति : २०७५ पौष १५ आइतबार
तस्वीर : वेव

काठमाडौं । नेपालमा पनि धेरै रेलको सपना देखाईँदै छ । हाम्रो भौगोलिक अवस्थितीका कारण अझैसम्म पनि नेपालमा नै रेल चढ्ने सपना पूरा गर्नको लागि जनकपुर नै पुग्नुपर्ने अवस्था छ । त्यसो त सरकार आफैं पनि रेल किन्ने तयारीमा छ । तर, रेल चलाउन जान्ने जनशक्ति नहुँदा अहिले पनि भारतबाट या अन्य मुलुकबाट नै ड्राइभर ल्याउनुपर्ने देखिएको छ ।  

एक रेल ड्राइभर बन्नको लागि हामीसँग के योग्यता चाहिन्छ ? यो धेरैको लागि जिज्ञासाको विषय हो । नेपालमा त रेल ड्राइभर सम्बन्धी कानून छैन । त्यसैले हामीले छिमेकी मुलुक भारतको रेल ड्राइभरको योग्यताबारे बताउने प्रयास गरेका छौं । एसिस्टेन्स पाईलट क्राइटएरिया पूरा गरेपछि मात्रै कोही पनि रेलको ड्राइभर बन्न सक्छ । 

रेल चलाउनको लागि कक्षा १० उत्तीर्ण भएको व्यक्ति नै योग्य मानिन्छ । यसरी १० कक्षा पास गरेका जो कोहीले पनि ४ चरणको छनोट प्रक्रियामा सहभागी हुन सक्दछन् । यी ४ चरणहरु उसको क्षमता उमेर, लिखित परीक्षा, मानसिक चातुर्यता र उसको स्वास्थ परीक्षणले निर्धारण गर्दछ। यी ४ वटै विषयमा तपार्इँ छनोट हुनु भयो भने त्यो व्यक्तिलार्इ रेलको ड्राइभर बन्नबाट कसैले पनि रोक्न सक्दैन । 

रेल ड्राइभर बन्नको लागि १० कक्षा पास गरेपछि २ वर्षको आइटीआइ डिप्लोमा या पोलिटेक्निक डिप्लोमा पनि गर्नु पर्ने हुन्छ । उमेरको हिसावले न्यूनतम १८ वर्ष तथा अधिकतम ३० वर्षको हुनुपर्छ । यसरी दुर्इवटा आवश्यकता पूरा गरेपछि सामान्य ज्ञान, बौद्धिक परीक्षण, सामान्य विज्ञान, भूगोल विज्ञान जस्ता सवालहरु सोधिन्छ । 
 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ