काठमाडौं। नेपाली कांग्रेसले आफ्नौ बैंक खातामा रहेको हिसाव सार्वजनिक गरेको छ । पार्टी कोषाध्यक्ष चित्रलेखा यादवले पेश गरको आर्थिक प्रतिवेदनमा कांग्रेसले २०७२ फागुन १८ सम्म विभिन्न बैंक खातामा रहेको कुल ६ करोड ६७ लाख ४५ हजार नौ सय ४७ रुपैंया रहेको उल्लेख छ। भृकुटीमण्डपमा भएको बन्दसत्रमा कोषाध्यक्ष यादवले प्रतिवेदन पेश गर्दै २०७२ श्रावण १ देखि हाल सम्मको अम्दानी विवरण आर्थिक वर्ष २०७२ –०७३ को लेखापरीक्षणपछि मात्रै आउने जानकारी गराएकी छन्। आगामी नीति तथा कार्यक्रमबारे भने कांग्रेसले पत्रकार सम्मेलन गरेर जानकारी गराउँदै छ।