काठमाडौं । धूमपानले छिटै नै बूढ्यौली लाग्ने एक अध्ययनले देखाएको छ । एक अध्ययनले अनुसार मानिसलाई धूमपानले २० वर्ष छिटै नै बूढ्यौली सुरु हुने देखाएको हो ।
वैज्ञानिकहरुले सार्वजनिक गरेको प्रतिवेदनमा धूमपानको नोक्सानीबारे १ लाख ४९ हजार वयस्क मानिसहरुको रगत परीक्षण गरिएको थियो ।
यो परीक्षणको क्रममा धूमपान गर्ने युवाको उमेर धूमपान नगर्ने मानिसहरुको दोब्बर उमेरबराबर हुन्छ । धूमपान नगर्ने मानिसहरुको उमेर भने उनीहरुको साबिकबराबरकै रहेको पाइएको थियो ।
३० भन्दा कम उमेर भएका १० मध्ये ७ धूमपान गर्ने मानिसहरुको जैविक उमेर ३१ देखि ४० को बीचमा पाइएको थियो । जबकी ६२ प्रतिशत धूमपान नगर्ने मानिसको उमेर साबिकबराबरकै पाइएको थियो । अध्ययनमा ४९ हजार धूमपान गर्ने मानिसहरु समावेश थिए । उनीहरुको औसत देखिने उमेर ५३ रहेको पाइएको थियो ।
यो अध्ययनका प्रमुख अधिकारी पोलिना मौमोशिनाले धूमपान गर्ने मानिसहरु अकालमा मर्ने कारण यो पनि रहेको बताइन् । अध्ययनमा धूमपानको असर यसअघि सोचिएको भन्दा पनि खतरानक हुने गरेको पाइएको हो ।
