काठमाडौं । नेपाली कांग्रेसको जारी १३औं महाधिवेशनबाट नयाँ नेतृत्व चयन गर्नका लागि मतदान जारी छ । काठमाडौंका भृकुटीमण्डपस्थित राष्ट्रिय सभागृहमा जारी निर्वाचनमा हाल सम्म २६ सय ५० मत खसेको छ । मतदान साँझ ७ बजे सम्म चल्ने देखिएको छ । मतदान सकिएलगत्तै सभापतिको मत गणना थालनी हुने निर्वाचन समितिले जनाएको छ । दिउँसो एक जनालाई मतदान गर्न २५ मिनेट सम्म लाग्ने गरेकामा अहिले केही छिटो भएको हाम्रा सहकर्मीले जनाएका छन् ।
