काठमाडौं । कांग्रेसको नयाँ नेतृत्वका लागि भएको दोस्रो चरणको मतदान सकिएको छ । दोस्रो चरणमा पहिलो चरणभन्दा २८ कम कुल ३१ सय २० मत खसेको निर्वाचन समितिले जनाएको छ । पहिलो चरणको मतदानमा सभापतिका कुनै पनि उम्मेद्वारले आवश्यक मत ल्याउन नसकेपछि पुनःमतदान भएको हो ।
मतदान सकिएकाे र गणना आजै राति ८ बजेबाट पार्टी केन्द्रीय कार्यालय सानेपामा हुने निर्वाचन समिति सदस्य खम्ब खातीले जानकारी दिए । दोस्रो चरणको मतदानमा शेरबहादुर देउवा र रामचन्द्र पौडेल चुनावी मैदानमा छन् । पहिलो चरणमा कृष्ण प्रसाद सिटौलासहित तीन समूहबीच चुनावी प्रतिस्प्रर्धा भएको थियो ।
