चीनका व्यापारी वू रुईबाओले यति धेरै दिए छोरीलाई दाईजो बन्यो रेकर्ड !
प्रकाशित २०७५ माघ २९ मंगलबार
305
Shares
काठमाडौं । चीनका व्यापारी टाइकुन वू रुईबाओले आफ्नी छोरीलाई दाईजोमा १३ सय ८० करोड रुपैयाँ बराबरको सम्पत्ति दिएर रेकर्ड बनाएका छन् । टायलका ब्यापारी टाइकुनले दाईजोको रुपमा यति ठूलो धनराशी दिएर एक रेकर्ड बनाएका हुन् ।
सो धन राशीमा ठूलो मात्रामा सुन, मर्सिडज कार, टाइकुनको कम्पनीको शेयर लगायत समावेश भएको बताइएको छ । यो बाहेक उनले आफ्नी छोरीलाई एक बैंक खाता समेत खोलिदिएका छन् ।
जसमा २८ करोड ३५ लाख रुपैयाँ बराबर र कम्पनीको तर्फबाट ५० लाख कित्ता शेयर समेत जम्मा गरिदिएको जनाइएको छ । उक्त शेयरको मूल्य १ अर्ब ४१ करोड ६९ लाख रुपैयाँ बराबर हुने जनाइएको छ ।
त्यस्तै उपहारका रुपमा चीनको ग्वाङ्जाउस्थित रिटेल स्टोर लगायत समावेश छन् । टाईकुनकी छोरीले आफ्नो बालापनको साथी जूसँग बिवाह गरेकी हुन् । जू एक सामान्य कर्मचारी हुन् । सन् २०१३ मा सम्पन्न टाईकुनको छोरीको विवाह उत्सव ८ दिनसम्म चलेको थियो ।
