- सुन चाँदी दर
- विनिमय दर
- नेपाली पात्रो
- राशिफल
एजेन्सी । बलिउडका दबंग सलमान खान र उनकी रोमानियन प्रेमिका लूलिया वन्तूरबीचको विवाहलाई लिएर निकै चर्चा हुने गरेको छ । सलमानले विवाहको विषयमा बुबा आमाको विवाह बर्षमा गर्ने भनेका थिए । उनको बुबा आमाको म्यारिज एनिभर्सरि नोवेम्बर १८ मा रहेको थियो । उक्त समय बितेसँगै सलमान-लूलिया सम्बन्ध के हुने हो चर्चा हुन थालेको छ ।
लूलियाले एक पत्रिकालाई दिएको अन्तर्वार्तामा उनि सलमानबाट टाढा रहन चाहेको संकेत गरेकी थिइन् । एक अंग्रेजी वेबसाइटको समाचार अनुसार लूलियाले अन्तर्वार्ताको क्रममा भनिन् ' भारत गएर मैले धेरै कुरा सिके । मैले हिन्दीमा गित गाउन सुरु गरे । केहि गायनका विषयमा पाठ पनि सिके । भारत र यहाँ धेरै अन्तर छ । भारतका मानिसहरुको मानसिकता, संस्कृती सबै फरक छ । त्यहा तपाईले ज्यादा प्राइवेसी पाउनु हुन्न । त्यहाँ एकै घरमा धेरै मानिसहरु बस्छन् ।'
एउटा प्रश्नको उत्तरमा लूलियाले भनिन् , 'हामीले यो पनि सिक्न आवश्यक छ कि भारतका गल्लिमा हिड्दा कस्तो कपडा लगाउने । मैले पछि मात्र थाहा पाए त्यहाँ मैले एक कार्यक्रममा लगाएको कपडा छोटो भएको रहेछ । मेरो कपडा तल देखि निकै छोटो भयो भने मलाई कसैले भन्यो ।' लूलियाले रोमानियामा चर्चित अभिनेत्री र प्रस्तोताको रुपमा सक्सेसफुल वुमेनको अवार्ड पाएकी छन् । लूलियाले सो तस्वीर आफ्नो इन्स्टाग्राम पेजमा पनि सेयर गरेकी छन् ।
लूलियालाई एक अन्तर्वार्तामा सलमानसँग प्रेम गर्ने बिषयमा सोधिएको थियो । उनले सो समय सलमान साथी मात्र रहेको बताएकी थिइन् । सलमान र लूलिया तिब्बतका आध्यात्मिक गुरु दलाई लामासँग लद्दाखमा देखिएका थिए । सलमान लद्दाखमा चलचित्र ‘ट्यूबलाइट’ को सुटिंगको लागि त्यहाँ पुगेका थिए ।