भारतका लागि पाकिस्तानमा जासुसी गर्ने 'जेम्स बोन्ड'

प्रकाशित मिति : २०७५ फाल्गुण १० शुक्रबार

काठमाडौं । मुलुकमा बसेर आफ्नो मुलुकको रक्षा गर्ने बहादुरहरुको धेरै कथाहरु सुन्न पाइन्छ । तर, यहाँ यस्ता व्यक्तिको कथा वर्णन गरिएको छ, जसले पाकिस्तानमा बसेर भारतको जासुसी गरेका थिए ।

यी व्यक्तिको नाम रवीन्द्र कोशिक हो । उनी थिएटरमा अभिनय गर्ने कलाकार थिए । उनी केवल २१ वर्षको हुँदा भारतीय गुप्तचर रअको नजर उनीमाथि परेको थियो । उनलाई २ वर्षसम्म उर्दू, इस्लामिक धार्मिक ग्रन्थ र पाकिस्तानको बारेमा प्रशिक्षण दिइएको थियो ।

त्यसपछि उनी शहमद शाकिरको रुपमा पाकिस्तान गएका थिए । कराँची विश्वविद्यालयबाट डिग्री पाएसँगै उनलाई पाकिस्तानी सेनामा नोकरी मिलेको थियो । उनले सन् १९७९ देखि १९८३ सम्म भारतलाई महत्वपूर्ण जानकारी दिएका थिए । यसैबीच सन् १९८५ मा उनको पोल खुलेको थियो र उनलाई जेल सजाय दिइएको थियो । उनले १६ वर्ष जेलमा बिताएका थिए । सन् २००१ मा हृदयाघातको कारण उनको ज्यान गएको थियो । उनको बहुमूल्य योगदानको लागि भारतीय पूर्वप्रधानमन्त्री इन्दिरा गान्धीले उनलाई ब्ल्याक टाइगरको नाम दिएकी थिइन् ।

भारतकी अर्की एक महिलाको जन्म बर्मामा भएको थियो । सन् १९४२ सुभाष चन्द्र बोसको भारतीय सेनामा भर्ती भएकी थिइन् । उनी १६ वर्षकै उमेरमा झांसी रेजिमेन्टको रानीको हिस्सा बनेकी थिइन् । यसै क्रममा उनले अंग्रेजसँग जानकारीको लागि पुरुषको रुप पनि धारणा गरेकी थिइन् ।

मोहनलाल भास्कर पनि भारतका एक बहादुर जासुस थिए । उनले जासुसीको लागि आफ्नो धर्म परिवर्तन गरेका थिए । उनलाई परमाणु कार्यक्रमबारे जानकारीको लागि पाकिस्तान पठाइएको थियो । पाकिस्तानको सरकारले थाहा पाएर उनलाई १४ वर्षको लागि जेलमा बन्दी बनाएको थियो ।

भारतका जेम्स बोन्डको रुपमा चिनिने अजित डोभालले पनि आफ्नो जीवनको ७ वर्ष पाकिस्तानमा बिताएका थिए । एक पाकिस्तानी मुस्लिमको रुपमा उनले आफ्नो जीवनयापन गरेका थिए । उनले पाकिस्तानमा बसेर भारतीय सेनालाई केही महत्वपूर्ण सूचनाहरु दिएका थिए । उनले केही मिसनको लागि पनि पाकिस्तानमा रहँदा महत्वपूर्ण योगदान दिएका थिए । उनले भारतका केही पुरस्कारबाट पनि सम्मानित गरिएको थियो ।

काश्मिर सिंह पाकिस्तानको जेलमा भारतको लागि जासुसी गरेको आरोपमा ३५ वर्षसम्म जेल बसेका थिए । उनले एकपटक पनि यो आरोपको स्वीकार भने गरेनन् । उनलाई पाकिस्तानी सेनाले राजनीतिक स्थानको तस्वीर खिच्ने काम दिएको थियो । तर सन् १९७३ मा उनले वास्तविकता खुलेको थियो र उनलाई जेल पठाइएको थियो ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ